A trabe de ouro e outros contos
Publicada en 1928. O porco de pé está considerada pola crítica como a novela que modernizou definitivamente a narrativa galega.
Auténtica cerimonia carnavalesca, a obra mestra de Vicente Risco é unha parodia na que se debuxa, con claridade, ironía e agudeza, unha sátira da nacente sociedade de consumo. A profesora Olivia Rodríguez González encargouse de realizar esta edición anotada, comentando particularidades da transmisión textual e aclarando o sentido do texto, especialmente no tocante ás referencias culturais que o autor manexou.
Vicente Risco (Ourense, 1884-1963) foi unha das personalidades intelectuais máis complexas e relevantes da Xeración Nós. Autor dunha extraordinaria obra literaria, ensaística e investigadora, destacan nela títulos coma Teoría do nacionalismo galego (1920), os relatos baseados en lendas populares O lobo da xente e A trabe de ouro e a trabe de alquitrán (1925), a novela O porco de pé (1928), o libro de viaxes Mitteleuropa (1934), a peza de teatro O bufón de El Rei (1928) e a súa novela en castelán La puerta de paja (1952).
