O debut de Martino PorconiXosé Antonio Neira CruzEditorial Galaxia publica O debut de Martino Porconi, recreación do conto tradicional de Os tres porquiños a cargo de Xosé A. Neira Cruz. Xunto con O prodixio dos zapatos de cristal a editorial inicia unha nova colección, Árbore Musicontos, nun ambicioso proxecto nacido da colaboración coa Real Filharmonía de Galicia quen puxo o marco musical (Shostakovich e Britten) e da voz do actor de dobraxe Francisco M. Barreiro. Literatura e música danse a man neste musiconto (libro+CD) ilustrado por Federico Fernández, de tal xeito que o lector-oínte gozará dunha experiencia estética a varios niveis: o pracer dun conto ben escrito, o pracer dun conto ben narrado, e o pracer da música, que actúa coma un soporte perfecto para toda a historia. Xosé A. Neira Cruz e o director da Real Filharmonía de Galicia, Maximino Zumalave, traballaron man con man para seleccionar aquelas partes das músicas de Shostakovich e Britten que servirían para ambientar o conto nesta nova versión, un chisco irreverente, pero que nos permite volver a ler a historia clásica con ollos novos. Neste musiconto, retomamos a historia dos tres porquiños pero desde unha actitude nova: o lobo é un tenor de grande talento, e o porquiño máis pequecho ten o corazón entregado ao bel canto. Xosé A. Neira Cruz ofrécenos unha chiscadela literaria que, bebendo na fonte do conto tradicional, lévao cara territorios novos e moito máis divertidos. |
RecensiónsDetalles
Noticias relacionadasOs Musicontos chegan a Coruña2009-04-22 09:31:55 Musicontos: O prodixio dos zapatos de cristal2009-11-30 10:05:46 Música, arte, literatura e voz2009-11-30 10:05:46 'Musicontos' para o Día Europeo da Música2011-06-28 10:51:16
Obras do autor en catálogo
Actividades relacionadasPresentación dos MUSICONTOS na Fnac2009-02-28 12:00:00 Contacontos de Ana Carreira2009-09-22 18:30:00
Novidades
| |||||||||||||||||||||||
|
||||||||||||||||||||||||
