Sale!

15,50€ 14,50€

mercar

Microbios e outros paquidermos (V Premio Repsol 2011)

Fernando Díaz-Castroverde

Premio de Narrativa Breve Repsol 2011

Nesta quinta edición, o premio de narrativa breve organizado pola Fundación Repsol en colaboración coa Secretaría Xeral de Política Lingüística, e publicado por Editorial Galaxia, outorgouse a unha obra na que reúne máis dun cento de relatos-lóstrego nos que se reflicte a fascinación do autor por procurar un máximo efecto a partir dunha estrutura fugaz que permite abrollar a ironía e o sentido do humor.

O libro premiado, que parte dunha concepción narrativa unitaria e coherente, segundo o autor é “un libro para pensar, pois ao traballar cun texto reducido, é o lector quen ten que pechar o círculo que o relato abre. A participación do lector é definitiva nos meus textos”. Microbios e outros paquidermos é un bosque de bonsais, un labirinto de espellos polo que demabula Van Gogh, o contemplativo Hioshiro, Saib, Salman o faquir, algún felino, un embalsamador, a princesa e o sapo, unha serpe de Sonora, os comedores de palabras … e todas as contradicións dos nosos días.

Coas palabras xustas e coa axuda implícita do lector, debúxase un camiño de formigas e robinsóns procurando que os desvalidos microbios se transformen en paquidermos na selva do pensamento. Libro de narrativa no que se cuestionan as fronteiras xenéricas e no que os recursos literarios proveñen de xéneros e referencias diversos.

Recensións


Detalles

  • Páxinas : 136
  • Deseño : Rústica con lapelas
  • Dimensións : 135 x 210 mm.
  • Data Publicación : 2011-11-16
  • Colección : Literaria
  • Editorial : Galaxia
  • ISBN : 978-84-9865-406-6
  • Edición : 1
  • Nº na colección :
  • Observacións :

Noticias relacionadas


Obras do autor en catálogo


Actividades relacionadas


Novidades

A herdadeCésar Souto Vilanova
EternityXosé Monteagudo
Pazo de invernoAlberto Lema
Tríptico TeatralAntón Villar Ponte

Díaz-Castroverde, Fernando
(Lugo, 1967) recibe numerosos premios poéticos, entre eles o Premio de Poesía Concello de Carral. Froito deste traballo é a publicación en 1998 do seu poemario Camiño de píntegas. Participa tamén en libros colectivos coma o do Concurso Nacional de Poesía O Facho (1978-1989) e a súa obra publícase en diferentes revistas coma A Xanela, a revista universitaria A Gaveta e A Trabe de Ouro.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR