Menú de degustación

Numerosas son as maneiras de organizar un libro. Máis que entregarnos unha escolma de relatos, o que fai Ana María Arellano é transformar as páxinas do seu libro nunha bandexa na que nos ofrece todo un menú literario. A lóxica subxacente a este procedemento é un xogo nada inocente pero sempre ameno e curioso, un xogo con consecuencias. A quen lle guste a literatura, que colla garfo e coitelo e se dispoña a un manxar especial.