Cascas de noz
Menu
Menu
Rescatando historias de antes e de agora, a autora escudriña a fráxil vida humana desde unha perspectiva conscientemente feminina. Os seus son relatos con sabor a salitre, de grande intensidade poética, que nos chegan a perturbar polo descoñecido ou polo sabido pero xamais confesado. Beatriz Dacosta Molanes naceu en 1967 en Cangas de Morrazo e vive actualmente na outra beira da mesma ría. A literatura é a súa paixón e Cascas de noz o primeiro libro que publica.
Esta autora de Cangas deuse a coñecer no 2000 con Cascas de noz no mundo literario galego. Os relatos que artellan o volume caracterízanse por contar unhas historias protagonizadas por personaxes cotiáns, nas que, porén, salienta o pouso do marabilloso e do máxico e unha escrita na que abunda a poeticidade.
A escritora abandonaría o relato para achegarse á novela en Precipicios e na súa máis recente achega á literatura galega, Contrato temporal (2004). Neste mesmo ano gañou o I Premio de Contos do Liceo de Noia co relato Goodbye my friend.
