Estás aquí:

Código: 18388

Maasai

Avendaño, Alberto

15,90 € IVE INCLUIDO

Esta é unha novela sobre o amor, a guerra e a maxia dun pobo.

E se estes temas parecen grandes de máis para un libro pequeno, recoméndase abrilo decontado para vivir unha experiencia única na narrativa galega. Alberto Avendaño lévanos a África e tráenos de volta a nós mesmos. O escritor baseouse en feitos da historia maasai e na vida do Laibon Mbatian, o seu mítico líder espiritual, para crear unha rede de historias que nos observan e nos cuestionan con profundo humanismo e certo humor que, de non ser maasai, cualificariamos de retranqueiro. Algo do que aquí se conta, escoitouno o autor en Mombasa a mediados dos anos oitenta do século XX.

Comparte nas túas redes sociais ou por email

Detalles do libro

Páxinas: 138

Deseño: Rústica con lapelas

Data Publicación:

Dimensións 135 x 210 mm.

Colección: Literaria

Nº na colección: 448

Edición: 1ªª

Editorial: Galaxia

ISBN: 978-84-9151-842-6

Observacións: Ten unhas ilustracións de Xosé Freixanes

AUTORES/AS

Avendaño, Alberto

(Vigo, 1957) é escritor e xornalista cunha carreira profesional en dous mundos (en Galicia coa TVG e nos Estados Unidos con The Washington Post), e en tres idiomas (galego, castelán e inglés). Con Antón Reixa e Manuel M. Romón forma parte do Grupo de Comunicación Poética Rompente (1976-1983), vangarda literaria durante a transición democrática española, onde fai colaboracións artísticas con Menchu Lamas e Antón Patiño, así como cos músicos Enrique X. Macías e Julián Hernández (Siniestro Total). Traballou para a RTVG e o CDG, antes de emigrar aos Estados Unidos durante trinta anos, onde a súa obra se recolle en publicacións da Academia Norteamericana da Lingua Española, da que é membro. De regreso a Galicia, Avendaño volve a Rompente cos poemarios Que hostia din os rumororosos? (2021) e CAOSMOS (2022) con Antón Patiño. Autor de literatura infantil (dous Premios Barco de Vapor), teatro e tradutor ao galego de clásicos da literatura en inglés, Avendaño recibiu os recoñecementos máis importantes da prensa hispana dos Estados Unidos, así como tres Premios Emmy™ da Academia da TV estadounidense.

Autoría foto autor: Alexandra Arata.