Estás aquí:

Código: 2191

Lingua galega e literatura. 2º Bacharelato

29,00  IVE INCLUIDO
O libro de texto de Lingua e Literatura Galega de 2º de bacharelato é, sobre todo, unha ferramenta útil, non só para comprender os temas que esixe o programa educativo, senón, tamén, para enfrontarte con éxito ás probas de acceso á universidade.
Ao mesmo tempo, e consonte o formulado no 1º curso, está escrito desde o convencemento de que a lingua galega é unha fiestra aberta, para achegarnos ás grandes cuestións do noso tempo. A lingua, a nosa, é un vehículo de coñecemento, mais tamén de comunicación.
Ademais dun desenvolvemento detallado dos temas de lingua e literatura (estudo que abrangue ata os autores e autoras máis actuais destes inicios do século XXI), o libro complétase con toda unha batería de exercicios e actividades para facer deste manual un material motivador e doado de manexar. Os exercicios serán o complemento que permitirá que o estudo se memorice mellor e, sobre todo, que se comprenda mellor.

Todas as Unidades Didácticas se presentan, tanto nos apartados de Lingua como nos de Literatura, como se fosen un encerado, de tal maneira que, ao abrilo, o estudante atopa os coñecementos básicos do programa perfectamente estruturados. Esta é unha vantaxe importante á hora de planificar o estudo e, xa que logo, a comprensión será moito máis doada.

Para reforzar a asimilación dos contidos, o equipo redactor deseñou unha batería de exercicios moi prácticos e variados, entre os que destacan, en todas as unidades, exames completos de Selectividade que van permitir afrontar esa proba con total seguridade.

Como no libro de 1º curso, sabemos que para que a grandeza da nosa literatura sexa entendida en toda a súa dimensión, é necesario encardinalo cos grandes feitos da historia da humanidade.
Por iso, nas unidades de literatura ofrécese unha liña do tempo que explica a evolución das nosas letras dende a súa orixe ata os nosos días, atendendo aos grandes feitos literarios galegos, universais, así como aos grandes acontecementos da historia mundial. Atendendo ás cores, o estudante asiste a unha viaxe no tempo e cara ao futuro.

Comparte nas túas redes sociais ou por email

Detalles do libro

Páxinas: 226
Deseño: Rústica con lapelas
Data Publicación: 21/05/2009
Dimensións 240 x 210 mm. mm.
Colección: Libro de texto
Nº na colección:
Edición: 1ª
Editorial: Galaxia
ISBN: 978-84-9865-191-1
Observacións:

AUTORES/AS

Non temos datos do autor

COLECCIÓN

Libro de texto

Lingua e literatura galega. 1º Bacharelato
texto
esgotado
Lingua galega e literatura. 1º ESO
lingua1
26.40€ CON IVE
Lingua galega e literatura. 2º Bacharelato
libro
29.00€ CON IVE
Lingua galega e literatura. 2º ESO
2
26.40€ CON IVE
Lingua galega e literatura. 3º ESO
lingua3
26.70€ CON IVE
Lingua galega e literatura. 4º ESO
lingua4
26.70€ CON IVE