Estás aquí:

Código: 2190

Lingua e literatura galega. 1º Bacharelato

esgotado
Un manual elaborado dende a idea de que é necesario ofrecer unha ferramenta educativa útil para profesores e alumnos que, ademais de cumprir rigorosamente cos contidos curriculares esenciais, sirva tamén para fomentar o interese e a curiosidade pola lingua nosa, pola nosa literatura, e, por extensión, que contribúa a avivar o interese polo mundo contemporáneo. O proxecto da Editorial Galaxia parte do convencemento de que a lingua galega debe ser un vehículo de recoñecemento e de descuberta da realidade, unha fiestra aberta para achegarnos ás grandes cuestións do noso tempo. A lingua entendida como un vehículo de comunicación e como unha ferramenta de coñecemento.
Ademais dun desenvolvemento detallado dos temas de lingua e literatura, o libro complétase con toda unha batería de exercicios e actividades estimulantes, para facer deste manual un material motivador e doado de manexar.

Todas as Unidades Didácticas preséntanse, tanto nos apartados de Lingua como nos de Literatura, como se fosen un encerado, de tal maneira que, ao abrilo, o estudante atopa os coñecementos básicos do programa perfectamente estruturados.

Para reforzar a asimilación dos contidos, o equipo redactor deseñou unha ampla batería de exercicios prácticos moi dinámicos, que pretenden fomentar a creatividade e estimular a capacidade crítica do alumnado.

Sabendo que os coñecementos de lingua e de literatura son importantes, este libro de texto non pode deixar sen tratar os grandes asuntos e os grandes retos da sociedade do século XXI: os valores democráticos e de convivencia, o respecto á diversidade, a igualdade de sexos, a reafirmación da personalidade e do espírito crítico, a comprensión dos cambios e as transformacións sociais, a tolerancia, a afirmación da identidade sen renunciar á universalidade, a iniciativa emprendedora, a solidariedade, etc. Todas estas son cuestións de máximo interese e abórdanse dun xeito transversal, pero constante ao longo das lecturas, exemplos, contidos teóricos, xogos e exercicios.

Neste sentido é importante destacar o apartado que pecha as distintas unidades, Sarillos e Descubertas, onde se suxiren traballos de investigación, propostas de debate, investigacións na rede, etc., actividades coas que poderán profundar no traballado así como demostrar o talento que atesouran os estudantes de Galicia.

As unidades de literatura ofrecen ademais unha liña do tempo para explicar a evolución das nosas letras dende a súa orixe ata os nosos días, atendendo aos grandes feitos literarios galegos, universais, así como aos grandes acontecementos da historia mundial. En definitiva, unha viaxe no tempo e cara ao futuro.

Comparte nas túas redes sociais ou por email

Detalles do libro

Páxinas: 298
Deseño: Rústica con lapelas
Data Publicación: 26/05/2008
Dimensións 240 x 210 mm. mm.
Colección: Libro de texto
Nº na colección:
Edición: 1ª
Editorial: Galaxia
ISBN: 978-84-9865-096-9
Observacións:

AUTORES/AS

Non temos datos do autor

COLECCIÓN

Libro de texto

Lingua e literatura galega. 1º Bacharelato
texto
esgotado
Lingua galega e literatura. 1º ESO
lingua1
26.40€ CON IVE
Lingua galega e literatura. 2º Bacharelato
libro
29.00€ CON IVE
Lingua galega e literatura. 2º ESO
2
26.40€ CON IVE
Lingua galega e literatura. 3º ESO
lingua3
26.70€ CON IVE
Lingua galega e literatura. 4º ESO
lingua4
26.70€ CON IVE