26,40€

mercar

Lingua galega e literatura. 1º ESO

O libro de lingua galega e literatura de 1º da ESO consta de 12 unidades, cada unha delas dividida en 5 seccións. Como xa é tradicional nas propostas didácticas de Galaxia, ofrecemos uns libros que organizan a información en dobres páxinas, como se fosen un encerado, para facilitar o estudo e comprensión dos contidos que se van tratar.

1. LECTURA MOTIVADORA
Todas as unidades abren cunha lectura que adoita servir de introdución aos tipos textuais que se presentan despois ou a outros contidos traballados (elementos de vocabulario ou a parte específica de literatura). Unha sección concibida a partir de preguntas encamiñadas a fomentar a comprensión do contido do texto, que os rapaces reflexionen e se expresen —de xeito oral ou escrito…— sen descoidar os aspectos relacionados coa educación en valores. Do mesmo xeito ofrece outras propostas literarias e artísticas que poden ser do interese do alumnado coa idea de motivalos para que continúen explorando outros elementos culturais dende o texto de partida.

2. TRABALLAMOS COA LINGUA
Divídese á súa vez, seguindo as directrices do currículo oficial, en Modelo textual, Funcionamento da Lingua e Oralidade.

MODELO TEXTUAL E FUNCIONAMENTO DA LINGUA
Aquí combinamos contidos e actividades de comprensión, reflexión e creación, para que resulte dinámico e atractivo para o alumnado.

ORALIDADE
A dobre páxina de Oralidade pretende traballar as destrezas de comprensión e produción oral, así como o vocabulario e a fraseoloxía presentes nos textos reais ou simulados que se propoñen. As actividades abordaranse a partir do audio que está no CD do profesor, que tamén inclúe as propostas dixitais complementarias.

3. A LINGUA E NÓS
Analizamos a realidade sociolingüística galega, do Estado e do mundo. Tamén se abordan as situacións de contacto de linguas e promóvese a eliminación de estereotipos e prexuízos lingüísticos.

4. LITERATURA
Ademais dos contidos teóricos, apostamos por apartados novidosos, como o que chamamos Agora escribes ti, que invita os rapaces e rapazas a inserirse no proceso creador. Un completo Obradoiro Literario.

5. O FAIADO DAS LETRAS
Unha completa selección de textos representativos, tanto do panorama literario galego como da literatura universal, relacionados cos contidos expostos na parte teórica. As actividades están deseñadas para que o alumnado desenvolva os coñecementos adquiridos dun xeito máis práctico.

Recensións


Detalles

  • Páxinas : 192
  • Deseño : Rústica con lapelas
  • Dimensións : 240 x 210 mm.
  • Data Publicación : 2011-04-20
  • Colección : Libro de texto
  • Editorial : Galaxia
  • ISBN : 978-84-9865-365-6
  • Edición : 1

Noticias relacionadas


Obras do autor en catálogo


Actividades relacionadas


Novidades

As filloas de ManolaR. J. PeraltaBlanca Millán
CornucopiaRaúl M. Santos

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR