17,95€

mercar

Fábula

Xavier Alcalá

Un importante período da historia galega máis recente, visto con ironía e sarcasmo.

Fábula é un claro exemplo de novela "colada á realidade", adherida a ela coa cola da memoria viva. Cando o autor comezou a escribila, en 1979, pasaron corenta e tres anos desde o estouro da Guerra Civil, mais ás testemuñas aínda lles ardía o sangue. O relato ten diferentes planos de acción, que enfronta a Guerra e a Transición democrática, a Galicia da longa noite de pedra e as Américas do exilio. Amor, odio, morte, vinganza e un segredo inconfesable marcan a trama desta obra que mereceu os premios Cidade da Coruña e da Crítica Española.

Recensións


Detalles


Noticias relacionadas



Actividades relacionadas


Novidades

Xácome o fatalistaDenis Diderot
O can e o gatoManuel Pombo Arias
DemeraraWagner G. Barreira

Autor/a

Alcalá, Xavier
(Miguelturra, Cidade Real, 1947) é enxeñeiro de Telecomunicacións e doutor en Informática. Instalado en Galicia desde a nenez, iniciouse na Literatura con poemas para cantar, musicados por Andrés do Barro, e como cronista en El Ideal Gallego. O seu primeiro libro de narrativa foi Voltar, seis personaxes e un fado (1972), ao que seguiron novelas coma A nosa cinza (1980), Fábula (1980, premios Cidade da Coruña e da Crítica Española), Nos pagos de Huinca Loo (1982), Tertúlia (1985), Fumes de Papel (1988), Cárcere verde (1990), Latitude austral (1991), Código morse (1996) e Alén da desventura (1998, Premio Blanco Amor). No eido da novela destaca a súa triloxía "Evanxélica memoria", sobre as comunidades de protestantes en Galicia, constituída por Entre fronteiras (2004), Nas catacumbas (2005, Premio da Crítica Galega) e Unha falsa luz (2007). En 2012 publica Verde Oliva e en 2018, The making of. Xúntanse a estas novelas os libros de viaxes: Arxentina (1990), Viaxes no País  de Elal (1992) e La Habana Flash (1998). Completan a súa obra numerosos narracións curtas, recoñecidas con diversos premios (entre eles, o Manuel Murguía) e parte delas recollidas en Contos do Impaís (1992) e Contos das Américas (1992).


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR