Estás aquí:

Código: 912

Disto e do outro

Blanco Torres, Roberto

22,55 € IVE INCLUIDO

Edición en capa dura dos mellores textos xornalísticos de Blanco Torres, por primeira vez en galego

Nesta edición coidada en capa dura o público lector pode achegarse á primeira versión galega das prosas xornalísticas que Roberto Blanco Torres -o persoeiro homenaxeado no Día de Letras Galegas de 1999- publicou en lingua española no ano 1930. Disto e do outro fainos partícipes do ideario galeguista e republicano de Blanco Torres e da intelixencia e claridade sen medias tintas do seu autor. Vemos nestes textos a un xornalista culto e comprometido cos problemas e a realidade do país, que soubo expresar as súas inquedanzas cunha precisión e graza que xa na súa época obtiveron o recoñecemento merecido. Coa publicación deste libro damos un paso máis cara á recuperación do noso pasado compartido, a través da obra dunha persoa singular e exemplar.

Comparte nas túas redes sociais ou por email

Detalles do libro

Páxinas: 170

Deseño: Cartoné

Data Publicación: 01/04/1999

Dimensións 138 x 210 mm.

Colección: Obras completas

Nº na colección:

Edición: 1ª

Editorial: Galaxia

ISBN: 978-84-8288-265-9

Observacións:

AUTORES/AS

Blanco Torres, Roberto

Ao xornalista e poeta Roberto Blanco Torres (Cuntis, 1891-Entrimo, 1936) dedicóuselle en 1999 o Día das Letras Galegas. Cursou estudos eclesiásticos e aos quince anos emigrou a Cuba, onde tomou contacto coas inquedanzas galeguistas e iniciou a súa actividade xornalística. Cando volve en 1917 a Galicia, empeza a colaborar con algúns dos máis importantes medios de prensa da época, tanto galegos como madrileños, entre os que figuran Galicia, El pueblo Gallego, El Noroeste e El Sol. A súa prosa xornalística, recollida en De esto y de lo otro (1930) combina a agudeza da análise cun espírito combativo que reflicte os seus ideais galeguistas e republicanos. Foi tamén autor dun libro de poemas, Orballo da medianoite (1929), de orientación vangardista. Morreu asasinado en 1936, vítima da sublevación militar contra a República.