Cantigas de Santa María
Menu
Menu
Cunqueiro recolle unha escolma de vinte e tres cantigas marianas coa súa correspondente versión ao galego moderno.
As Cantigas de Santa María, que o rei Afonso X recolleu en galego son, en xeral, relatos de miragres. Cómpre destacar o seu inxenioso estilo e maila forza narrativa. Con motivo de dedicarlle o Día das letras galegas do ano 1980 a este autor, publicouse o presente volume, no que se recolle unha pequena escolma do Cancioneiro marial do rei.
No seu labor antolóxico, Cunqueiro procurou recoller as cantigas con máis simbolismo; o conxunto constitúe unha mostra reveladora da suxerente obra que Afonso X realizou na nosa lingua.
Rei de Castela e de León entre 1254 e 1284, Afonso X foi tamén lexislador, historiador, científico e poeta. Durante o seu reinado, a lírica medieval en lingua galega coñeceu o seu máximo esplendor. Na súa corte fíxose rodear dun grupo de xograres e trobadores. Desenvolveu unha importante actividade lírica, da que son froito máis de corenta poesías profanas e as Cantigas de Santa María, 427 composicións relixiosas que exaltan a figura da Virxe e os seus miragres.
