Paulina ó piano
Menu
Menu
A historia dunha rapaza que abandona a súa casa de toda a vida para mudarse coa familia a un piso novo
Esta novela está relatada en primeira persoa por Mariana, unha rapaza portuguesa de doce anos que se muda coa familia a un barrio lisboeta de recente construcción. Para Mariana este cambio significa algo parecido a empezar unha nova vida, o mesmo que para a súa familia e para os seus veciños. A mirada que Mariana bota sobre o seu entorno caracterízase pola súa capacidade de observación, mesmo das realidades sociais menos gratas, pero tamén pola fantasía, a sensibilidade e o humor.
Alice Vieira naceu en 1943 en Lisboa. É licenciada en Filoloxía Xermánica e xornalista. En 1979 recibiu o premio de literatura infantil "Ano Internacional do Neno" con Rosa, miña irmã Rosa e, en 1983, con Este Rei que eu escolhi, o premio "Calouste Gulbenkian" de literatura infantil. Alice Vieira é hoxe unha das máis importantes escritoras portuguesas de literatura xuvenil, cun grande prestixio e proxección nacional e internacional, do que son exemplo as tiradas dos seus libros (máis de 260.000 exemplares editados en Portugal) e a tradución das súas obras en Checoslovaquia, Alemaña, Brasil, España.
