Guía de festas populares de Galicia
Menu
Menu
Unha oportunidade para redescubrir a traxectoria dun home que traballou a prol da conservación e mellor coñecemento da cultura popular galega.
Neste libro, González Reboredo traza un completo retrato da personalidade de Xaquín Lorenzo, etnógrafo ourensán homenaxeado en 2004 co Día das Letras Galegas. Analiza a súa obra dun xeito rigoroso, facéndoa comprensible para o profano, cun especial coidado en salientar o seu significado esencial para o desenvolvemento dos estudios etnográficos galegos e para a divulgación da nosa cultura popular.
Naceu en Lugo en 1946. Desenvolve a súa actividade investigadora nos eidos da etnografía e antropoloxía cultural. Discípulo de Fermín Bouza-Brey, está vencellado ao Museo do Pobo Galego e á sección de Antropoloxía Cultural do Consello da Cultura Galega. Foi o coordenador da obra Galicia Antropoloxía (1997) e autor da Guía das festas populares de Galicia. Polo recoñecemento que obtivo dos lectores, tamén cómpre salientar entre as súas numerosas publicacións a edición das Lendas galegas de tradición oral (1995), da que en 2006 Galaxia presentou a oitava edición. En 2004 presentou un libro co título Vida e obra de Xaquín Lorenzo, coincidindo coa dedicatoria do Día das Letras Galegas ao etnógrafo ourensán.
