A Cidade dos Césares

Víctor F. Freixanes

A Cidade dos Césares gañou o Premio de Novela Torrente Ballester en 1992. Case trinta anos despois, o autor ofrécenola nesta edición corrixida e revisada.

Velaquí un dos grandes textos da literatura galega contemporánea. Entre 1776 e 1783 arredor de cincocentas familias de Galicia, Asturias e a Maragatería embarcaron na cidade da Coruña para ir poboar terras ao sur da provincia de Buenos Aires, o que os historiadores coñecen como a Expedición das Familias. Alí crearon varios asentamentos, dos que unicamente sobrevive Nosa Señora do Carme de Patagones, na boca do río Negro. O conde de Floridablanca e os ministros de Carlos III deseñaron a ocupación para evitar que o inglés se establecese naquelas latitudes.

Cen anos despois, en 1885, o piloto de Noia, Basilio Vilariño, evoca aquelas xornadas dialogando co gaiteiro, Chinto de Muras, mentres o exército arxentino entra na antiga aldea de colonos, despois de vencer na montaña a derradeira resistencia das tribos indíxenas. Diálogo entre defuntos, apenas sombras no medio do lamazal.

Recensións


Detalles

  • Páxinas : 426
  • Deseño : Rústica con lapelas
  • Dimensións : 135 x 210
  • Data Publicación : 15/07/2022
  • Colección : Literaria
  • Editorial : Galaxia
  • ISBN : 978-84-9151-914-0
  • Edición :
  • Nº na colección : 458
  • Observacións :

Noticias relacionadas



Actividades relacionadas


Novidades

A retranca. Un intento de clarificaciónFélix Caballero Wangüemert
Dos meus recordosManuel García Barros
EnredosManuel García Barros

Autor/a

F. Freixanes, Víctor
(Pontevedra, 1951) é autor dunha esixente obra literaria, amplamente recoñecida e multipremiada, que vai desde os primeiros libros de xornalismo: Unha ducia de galegos (1976) e Memorias dun fuxido (1980), a novelas de gran envergadura como O triángulo inscrito na circunferencia (1982), O enxoval da noiva (1989), A Cidade dos Césares (1993) ou a máis recente: Cabalo de Ouros (2010). Con fotografías de X. Vilar Cardona publicou en 1989 unha recreación literaria da cidade de Pontevedra: O día que perdemos o mar e con debuxos do pintor X. Freixanes, Unha avelaíña na lámpada (2009). O autor recoñece que O triángulo inscrito na circunferencia, A Cidade dos Césares e Cabalo de ouros conforman unha triloxía temática arredor de Vilanova de Alba, ensoñación literaria detrás da cal esta a propia Galicia, en parte imaxinada e en gran parte real. A súa obra ensaística céntrase no ámbito da comunicación e o xornalismo. En 2017, foi elixido presidente da Real Academia Galega.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR