O nariz do Nadal
é moi gracioso,
quentiño, cantareiro,
e saboroso.
Recende os mazapáns
máis os turróns,
e o bacallau cocido
con coliflor.
Cheira os xoguetes novos
de papá Noel
e o brión ben fresquiño
do meu Belén.
Ule o lume “bailón”
da cheminea
e a cera derretida
das candeas.
Aspira o aire cheo
de vilancicos,
e o son das pandeiretas
máis dos pitos.
Respira as gargalladas
dos meniños,
que pintan seu nariz
con aloumiños.
O nariz do Nadal
é moi gracioso,
quentiño, cantareiro
e saboroso.