O xoves a Editorial Galaxia organiza dous actos na Feira do Libro de Vigo para atender a todos os chanzos de idade e intereses. Por unha banda, e dentro da Semana da Música Infantil, a cantante Uxía convertirase na Bruxa Maruxa, un dos personaxes dunha das cancións do libro-disco-DVD, 'María Fumaça' para interpretar algunhas das cancións desa obra. A artista de Mos estará acompañada polo guitarrista Sérgio Tannus.
Como o resto dos concertos desta Semana da Música Infantil, o acto celebrarase na Carpa dos Nen@s ás 20 horas.
E preto dalí, tamén ás 20 horas, o escritor Miguel Anxo Fernández presentará, acompañado polo director da Fundación Carlos Casares, Gustavo Adolfo Garrido, e o director literario de Galaxia, Carlos Lema, unha nova aventura do detective Frank Soutelo e que leva por título, precisamente, 'Bícame, Frank'.
Menu
Menu
