Durante a mañá do venres tivemos coñecemento da triste nova do pasamento do ilustrador Xan Balboa. O seu nome pasará á historia como un dos grandes da ilustración galega e, por suposto, totalmente pegado ao Lamote, ese personaxe inesquencible creado por Paco Martín. Para milleiros e milleiros de lectores e de lectoras, é imposible imaxinar as historias de Ramón Lamote sen o colorido e a visión, festiva e xenial, que Xan Balboa soubo deitar sobre esa vida literariamente tan poderosa. Velaí o soño de calquera ilustrador. Velaí o soño, tamén, de calquera lector.

Dende Editorial Galaxia queremos transmitir a nosa condolencia á súa viúva e ao resto da súa familia, ao tempo que manifestamos o noso orgullo por ter podido traballar cun artista de tantísimo talento.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR