Hoxe presentamos a segunda edición da Escola de Letras que auspiciamos a Deputación de Pontevedra e a Editorial Galaxia.
No acto participaron a presidenta da Deputación de Pontevedra, Carmela Silva Rego e o Director Xeral de Editorial Galaxia, Francisco Castro. Ademais de valorar o éxito da edición de 2020, anunciouse a incorporación ao Claustro de Profesoras e Profesores das escritoras Anna R. Figueiredo e Elvira Ribeiro. Inma López Silva, Diego Giráldez e Antonio García Teijeiro continúan con nós tamén este ano.
