Editorial Galaxia publica 'A cociña dos Cunqueiro'

Estes días chega ás librerías un novo título dentro da nosa colección de Cociña, desta volta, convertido nunha selección de receitas dos dez cadernos que Elvira González-Seco legou ao seu fillo, o tamén escritor César Cunqueiro que, ademais, fai o limiar da obra que preparou o experto en cociña Miguel Vila Pernas.
O volume ofrécenos pratos das décadas dos anos sesenta, setenta e oitenta do século XX da cociña tradicional galega e española, mais tamén da chamada cociña internacional, que Elvira González-Seco transformaba cun xeito novo, moi persoal.
Un mollo de sabores exquisitos para paladares exquisitos.