A cantante Susa Herrera participará, dentro da Semana da Música Infantil na Feira do Libro da Coruña, nun concerto no que interpretará temas do seu libro-disco Animais EnCantadores.
Despois do éxito no arranque deste ciclo de música infantil, a cargo de Uxía o luns e martes, a cantante Susa Herrera, unha das intérpretes que máis anos leva centrada na música infantil en galego no noso país, chega aos Xardíns de Méndez Núñez con este espectáculo centrado en animais de todo tipo e condición, construíndo cancións que serán do agrado de pequenos e grandes.
Unha posibilidade de lecer magnífica para despois da praia e para se achegar a familia enteira á Feira do Libro da Coruña.
Menu
Menu
