Escrito coa clara conciencia do xardineiro que aspira a obter pequenos froitos, co mesmo valor do artesanal, este libro camiña cara ao que dende as orixes da filosofía foi o fin máis elevado para o home: a felicidade. Unha felicidade sostíbel, construída cos retallos fuxidíos dos momentos de dita.

Velaquí un libro que fala do home actual e do seu mundo. Da vida como camiño con encrucilladas. Encrucilladas que levan a filosofía actual a buscar na linguaxe unha nova forma de supervivencia. Unha modalidade de encontro no inestable conflito de interpretacións dos múltiples discursos sobre a realidade.

"Camiñantes" aborda os problemas derivados da globalización, a violencia e a soidade do home contemporáneo.

Marcelino Agís Villaverde (Raxó, Poio, 1963) é doutor en Filosofía pola Universidade de Santiago de Compostela, onde traballa como profesor titular. Desenvolve a súa investigación no ámbito das correntes actuais da filosofía e é autor, entre outros títulos, de "Crónica viva do pensamento galego" (2001) e "Paul Ricoeur: a força da razào compartida" (2004).

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR