Berta Dávila ven de gañar o Premio Guillermo de Baskerville que organiza o blog Libros Prohibidos coa versión en castelán de O derradeiro libro de Emma Olsen, publicada por Mar Maior.
O último libro de Emma Olsen acadou unha nota media de 8,22, aventaxando en 0,65 puntos ao segundo clasificado e acadando, ademáis, a nota más alta por parte de cinco dos seis membros do xurado: Fernando, autor do blog Libros en el petate; Inma, correctora de textos e autora do blog Los libros de Dánae; Lourdes, escritora e directora de Revista EnSueño; Víctor, poeta, escritor e profesor de escritura creativa; Lorena, autora del blog El pájaro verde; e Alejandro, fundador e director da web literaria La piedra de Sísifo.
O derradeiro libro de Emma Olsen vai pola súa cuarta edición na versión orixinal en galego. A novela, que no seu día mereceu o Premio de Narrativa Repsol, co paso do tempo foi atesourando outros galardóns como o Premio da Asociación de Editores ou o Mellor Libro de Ficción 2013. O libro ten sorprendido pola súa trama, pola potencia da voz narradora e, tamén, pola beleza das súas páxinas.
