O conselleiro de Cultura, Educación e Ordenación Universitaria, Xesús Vázquez Abad, e o vicepresidente da Fundación Repsol, César Gallo Erena, renovaron hoxe a colaboración de ambas as entidades para o impulso da literatura en lingua galega a través da VIII edición do Premio Narrativa Breve Repsol.
A dotación económica do premio, que por segundo ano consecutivo ascende a 12.000 euros, inclúe a adquisición por parte da Fundación Repsol dos dereitos de explotación da primeira edición do texto galardoado, e mais a publicación da peza pola Editorial Galaxia. No acto de sinatura estiveron tamén presentes o secretario xeral de Política Lingüística, Valentín García, e o director da refinería A Coruña, Luis Felipe Llamas Gómez.
O Premio Breve Repsol foi creado no año 2006 por a Refinería e vertebrado de forma conxunta con a Secretaría Xeral de Política Lingüística de la Xunta de Galicia con o obxectivo de fomentar a cultura e a lingua galegas. En 2010, Fundación Repsol toma o relevo da Refinería no impulso do Premio, que desde o seu inicio, conta con o apoio da Real Academia Galega e a Asociación de Escritores en Lengua Galega, así como con a estreita colaboración da Editorial Galaxia, que editou as anteriores obras gañadoras.
Requerimentos
O prazo de presentación das novelas diante da Fundación Repsol estará aberto ata o vindeiro 22 de xullo. Os textos deberán ser orixinais e escritos en lingua galega, conforme á normativa establecida pola Real Academia Galega. Todos os textos deben ser inéditos, cunha extensión mínima de 50 folios e máxima de 120. O xurado estará conformado por un representante da Secretaría Xeral de Política Lingüística da Consellería de Cultura e Educación; outro da Fundación Repsol, un da Real Academia Galega, outro da Asociación de escritores en Lingua Galega e un da Editorial Galaxia.
Na primeira edición, en 2006, o xornalista Miguel Sande fíxose con este galardón pola súa obra ‘Se algún día esta muller’. A gañadora da segunda edición foi ‘ Así nacen as baleas’, da escritora Anxos Sumai. Na terceira edición, en 2008, o narrador, dramaturgo e debuxante humorístico Xosé Luís Martínez Pereiro obtivo o galardón polo traballo ‘A verdade como mal menor’. En 2010 o premio foi para o escritor galego, Xurxo Sierra, por ‘Os Fíos’; mentres que en 2011 o gañador foi Fernando Díaz-Castroverde pola obra de microrrelatos ‘Microbios e outros paquidermos’. No 2012 o galardón recaeu na luguesa María López Sández por ‘A forma das nubes’; mentres que no 2013 a obra gañadora foi ‘O derradeiro libro de Emma Olsen’, de Berta Dávila.
