Neste Samaín recuperamos Dos arquivos do trasno, de Rafael Dieste, unha obra publicada por primeira vez en 1926 que celebra este ano o seu centenario. Unha ocasión para volver achegarnos aos seus relatos e aos misterios que agochan.
Cen anos despois da súa publicación, Dos arquivos do trasno continúa a ser unha obra fundamental da narrativa galega. Con este libro, Rafael Dieste renovou a arte do conto, dando forma a un universo literario no que o misterioso e o extraordinario conviven co popular e o cotián, e no que o imaxinario galego cobra unha nova dimensión.
Hai historias que, mesmo un século despois, conservan intacta a capacidade de sorprendernos, inquietarnos e espertar a nosa imaxinación.
É o caso de Espanto de nenos, un dos relatos que forman parte do libro, no que unha experiencia aparentemente cotiá se transforma nun episodio cheo de misterio.
Para celebrar o Samaín e o centenario desta obra, queremos convidarvos a descubrir, ou redescubrir, a literatura de Rafael Dieste a través dunha lectura moi especial.