O caderno de Rosalía
Ilustracións SHEILA BROULLÓN
Zahi ten os ollos da cor do mar e vive coa súa nai, Shena, nun pequeno apartamento na cidade. E tamén co seu pai, Xoán, cando volve de pasar longas tempadas traballando no buque Sálvora. Gústalle ir á escola e xogar con Aldara e os seus amigos, pero tamén debe facerlle fronte a uns abusóns que o axexan nos seus soños. Esta fabulosa historia transcorre nuns días de vacacións en decembro, na fermosa aldea de Buxaina, na casa dos avós. E con eles, e a cadela Furna, Zahi vive aventuras e emocións inesperadas baixo unha intensa nevarada.
Naceu en Melide, nunha fermosa aldea chamada Cabanelas. Alí estivo cos seus pais e co seu irmán pequeno ata que foi á Universidade, onde estudou Maxisterio e Filosofía. Viviu na Coruña, Muxía e A Pobra do Caramiñal. Instalouse no concello de Ribeira hai máis de vinte anos, onde exerce como mestra no CEIP de Olveira, moi preto do mar de Corrubedo. Dende moi pequena tivo paixón pola literatura. Na casa había poucos libros, pero moitas ganas de ler, así que agradeceu ter a porta aberta a eses lugares marabillosos chamados bibliotecas, onde podes ler o que che pode. Róuballe tempo ao sono para escribir versos e historias.
Colabora habitualmente coa Asociación Cultural Barbantia e ten contos publicados no suplente A Voz de Barbantia de La Voz de Galicia e no blog Café Barbandia. Un relato seu, titulado Naia, foi premiado no VIII concurso de contos Liceo de Noia. E o poema Sempre é noite en Bagdad no VII Certame Literario do Concello de Ames.
O caderno de Rosalía é a súa primeira obra publicada en Editorial Galaxia.
Foto de: Lucía Puebla Blanco.
