Xa está activa na nosa web, a descarga de balde do relato de Xosé Carlos Caneiro, presente no seu novo libro 'A máscara de Ulises', "A última memoria de Oliverio Twist'. Os internautas poderán descargar dende o banner que chamamos 'O libro do mes', este relato completamente de balde que serve así como mostra do novo libro de Xosé Carlos Caneiro e que antologa, por vez primeira, algúns dos seus traballos breves completos.
A sección 'O libro do mes' é unha iniciativa da Editorial Galaxia para permitir a lectura de balde de parte dalgunhas das súas obras que se publican como novidades. Un xeito diferente de permitir o acceso ás obras que saen do prelo e que se achegan, así, dun xeito directo a todas e a todos os que sintan curiosidade por un novo libro, neste caso, o novo de Caneiro, nesta antoloxía de relatos que nos permiten viaxar pola obra do de Verín ao longo dos anos da súa vizosa traxectoria.
Menu
Menu
