Estás aquí:

Código: 508

Tres minutos no aire

Murado, Miguel Anxo

21,15 € IVE INCLUIDO

Entre 2006 e 2009, Miguel Anxo Murado facía una colaboración no programa Diario cultural da Radio Galega.

Eran "tres minutos no aire" nos que falaba de por que as vacas morren sempre na adolescencia, como sabe o viño que facía Montaigne en Bordeos, ou indagaba de quen é a caveira que emprega a Royal Shakespeare Company para a famosa escena de Hamlet. Eran reflexións sobre a cultura, a literatura, a arte ou a vida cotiá, desde o romanticismo da tose a como xurar realmente en arameo, dun eloxio do embigo á antropoloxía do zapato. No ronsel de libros anteriores como Escrito en cafeterías e Libro de horas, aquí aparece recollida unha selección daquelas charlas diante do micrófono. Artigos que, como di o autor, por ser pensados para ser ditos, "preservan en algo a voz de quen os escribiu e dixo".

Comparte nas túas redes sociais ou por email

Detalles do libro

Páxinas: 232

Deseño: Rústica con lapelas

Data Publicación: 02/12/2019

Dimensións 135 x 210 mm.

Colección: Literaria

Nº na colección: 384

Edición: 1ªª

Editorial: Galaxia

ISBN: 978-84-9151-306-3

Observacións:

AUTORES/AS

Murado, Miguel Anxo

Nado en Lugo en 1965, é escritor, guionista de cinema e televisión. A súa aparición no mundo literario tivo lugar con Metamorfosis benezianas (1983), novela en castelán coa que gañou ós 17 anos o Premio Café Gijón. En galego é autor dunha variada obra que inclúe narrativa (Memoria de derribos, Mércores de cinza), poesía (Lapidario dos heterodoxos, Bestiario dos descontentos) e teatro (A grande noite de Fiz, Historias peregrinas). En 1991 e 1994 viaxou á exIugoslavia como enviado especial, experiencia da que naceu Ruído. Relatos de guerra. En 2001 publicou o ensaio Caderno de Xapón.

En paralelo co seu traballo literario, Murado desenvolveu durante anos un labor de guionista, polo que obtivo en tres ocasións o Premio Carlos Velo para guionistas da Xunta de Galicia. Seus son os guións de películas do cinema español como La Ley de la Frontera ou Finisterre. En televisión, escribiu e realizou unha ducia de documentais sobre Xeografía, Literatura e Política, e colaborou en varias series.

Murado desenvolveu unha actividade intermitente no campo do xornalismo. É columnista habitual en diversos medios. Residiu varios anos en Oriente Medio, onde traballou sucesivamente para as Nacións Unidas, o Goberno da Autoridade Palestina e como correspondente de prensa.

Premio Pedrón de Honra 2015 e Fernández Latorre 2016.