Estás aquí:

Código: 245

Os dados de Deus

Lezcano, Arturo

15,50 € IVE INCLUIDO

Un libro de relatos nos que predomina o compoñente fantástico e nos que Arturo Lezcano introduce na narrativa galega xéneros pouco cultivados nas nosas letras, como a ficción científica.

Este foi o primeiro libro de relatos de Arturo Lezcano. Cun regusto fantástico que abrangue desde a ficción futurista de impronta cunqueiriana ata a especulación futurista, estes contos reclaman un estatuto senlleiro no panorama da actual narrativa galega. Pero o seu mérito non reside só na mestizaxe de xéneros e referencias nin nos seus intelixentes xogos literarios, senón tamén na súa riqueza imaxinativa e simbólica, na súa ironía e no apego a unha actualidade que transcende a súa condición de materia noticiable para converterse en fábula e interpretación visionaria.

Comparte nas túas redes sociais ou por email

Detalles do libro

Páxinas: 124

Deseño: Rústica

Data Publicación: 01/07/1994

Dimensións 135 x 210 mm.

Colección: Literaria

Nº na colección:

Edición: 1ª

Editorial: Galaxia

ISBN: 978-84-7154-912-9

Observacións:

AUTORES/AS

Lezcano, Arturo

Arturo Lezcano (Ourense, 1939-A Coruña, 2019) estudiou Dereito e Xornalismo en Madrid e iniciou a súa relación coa cultura galega na tertulia ourensá de Vicente Risco. Nos anos sesenta desenvolveu unha ampla actividade no mundo dos cine clubes, que rememora no seu libro Ourense, cittá aperta (1999), aínda que profesionalmente se dedicou desde moi novo ao xornalismo. Foi director de Ferrol Diario, sobre o que publicou unha monografía en 1993, e traballou en La Región e en La Voz de Galicia, xornal do que foi redactor xefe. En 1987 recibiu o Premio de Xornalismo de Galicia e en 1991 obtivo o Premio Julio Camba. Como narrador deuse a coñecer na Antoloxía da literatura fantástica en lingua galega, de Antón Risco (1993) e máis tarde publicou Os dados de Deus (1994), un libro de relatos no que aparecen moitas das liñas temáticas de Só os mortos soterran os seus mortos.