foto

Non dispoñible

Non dispoñible

Castelao segundo Rañolas. Vida e obra de Castelao

Marilar Aleixandre

Castelao visto polos seus personaxes.

Esta é unha biografía un pouco diferente das que estamos afeitos a ler, pois a autora, cando estaba elaborando o texto, xuntando datos e redactando frases, tivo a idea de pedirlles aos personaxes creados polo propio Castelao que lle axudasen a contar algúns detalles da súa vida. Porque, a fin de contas, estes personaxes viviron moi de preto os pasos do grande autor, debuxante, político, pensador de Rianxo. Así foi como o Rañolas, Peito de Lobo, Pimpinela, o esquelete, Melchor e algún outro acudiron á chamada de Marilar. Pero —as cousas sempre teñen un pero—, estes personaxes ás veces non conseguiron poñerse de acordo, tendo cadaquén a súa propia idea de Castelao. Finalmente, despois de moito quentar a cabeza, a autora logrou que lle contasen unhas poucas lembranzas e acabar o libro. O resultado é o que tedes nas mans. Poderedes acompañar a vida dunha persoa da que nunca oirades falar así, a través dos seus personaxes. E por se fose pouco, quen ilustrou o texto é o propio Castelao. Seguro que despois desta lectura habedes querer saber máis del e decidiredes acudir aos libros que el mesmo escribiu: Cousas, Os dous de sempre

Recensións


Detalles

  • Páxinas : 92
  • Deseño : Rústica
  • Dimensións : 121 x 214
  • Data Publicación : 2000-04-01
  • Colección : Letras Galegas
  • Editorial : Galaxia
  • ISBN : 978-84-8288-363-2
  • Edición : 1

Noticias relacionadas



Actividades relacionadas


Novidades

latexo-beatLatexo BeatFestival Internacional Kerouac Vigo
corpo-de-antiochiaCorpo de antiochiaTamara Andrés
leonardo-e-os-fontaneiros-2017Leonardo e os fontaneirosMaría Victoria Moreno
a-sombra-dos-bonsaisÁ sombra dos bonsaisAntón Riveiro Coello

marilar

Aleixandre, Marilar
Nacida en Madrid en 1947, é licenciada en Bioloxía e profesora de Didáctica das Ciencias na USC. Instalada en Galicia desde 1973, adoptou o galego como lingua literaria. As súas primeiras obras foron narracións dirixidas aos lectores máis novos, como A formiga coxa (1989) e O rescate do peneireiro (1990). Continuou con libros para adolescentes como Nogard (1994) e a novela de aventuras A expedición do Pacífico (1994), coa que obtivo os premios Merlín e Lousada Diéguez. A novela que a deu a coñecer nun ámbito máis amplo foi Tránsito dos gramáticos (1993), unha orixinal intriga ambientada nunha Compostela futurista.

En 1996 publicou a colección de relatos Lobos nas illas. Con A Compañía Clandestina de Contrapublicidade gañou a IV edición do Premio Álvaro Cunqueiro de narrativa (1998). En 2001 publicou Unha presa de terra. Recibiu o Premio Xerais de Novela 2001 por Teoría do Caos.

Recibiu o galardón Letra E concedido pola AELG. Na Asemblea Xeral do Congreso Ibby de Literatura Infantil e Xuvenil, celebrado en setembro de 2010 en Santiago de Compostela, foi nomeada membro do Comité Executivo da organización.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR