A revolución vertical

Ngũgĩ wa Thiong’o

ou por que os seres humanos camiñan ergueitos

é unha fábula de estilo clásico escrita en Kikuyu e traducida a máis de oitenta idiomas en todo mundo. Unha homenaxe á tradición da literatura oral e dese másico momento compartido que supón ler aos outros.

O conto narra a formación do corpo humano como unha discusión entre as súas partes. Brazos e pernas quererán demostrar que son os máis importantes nunha competición que terá como testemuñas o resto de animais, que os tomarán por tolos, e as outras partes do corpo quererán dicir o que opinan. Como acabará todo?

Un marabilloso conto de Ngũgĩ wa Thiong’o ilustrado por Agustín Comotto.

“A vida está conectada. Estamos todos conectados, dependemos os uns dos outros.” Palabras de Ngũgĩ  sobre o conto na entrevista en Los Angeles Review of Books.

“O relato lémbranos que todos somos un, e que na nosa unidade temos o poder de transformar o futuro que esperamos para nós mesmos.” The Guardian

“Incluído no catálogo da OEPLI 2018 como un dos mellores do ano”

Recensións


Detalles

  • Páxinas : 96
  • Deseño : Rústica con lapelas
  • Dimensións : 158 x 216
  • Data Publicación : 11/03/2019
  • Colección :
  • Editorial : Galaxia
  • ISBN : 978-84-9151-307-0
  • Edición :
  • Nº na colección : 126
  • Observacións :

Noticias relacionadas


Obras do autor en catálogo


Actividades relacionadas


Novidades

9788491514053Atranco no bancoManuel Núñez Singala
9788491514060A sombra das árboresAna Abad de Larriva
9788491514015Os jeans de MaríaLois Alcayde Dans
9788491514046CarruselBerta Dávila

Autor/a

ngugi

wa Thiong’o, Ngũgĩ
Naceu en Kenya en 1938, no seo dunha familia rural. Durante a súa infancia e adolescencia viviu baixo o dominio colonial británico ata a revolta dos guerrilleiros Mau Mau (1952-1962) que levou á independencia do país. A partir do seu ingreso na comunidade universitaria, Ngũgĩ inicia unha serie de reflexións acerca da concepción académica das culturas e literaturas africanas; estas ideas cimentaron moitas teorías poscoloniales, que co tempo contribuíron a realzar a personalidade cultural propia dos territorios africanos logo do colonialismo europeo. Doutra banda, desde 1962 deuse a coñecer como escritor polifacético e activista social; as súas obras foron centrando cada vez máis a atención nos problemas políticos, culturais e sociais de Kenya, razón pola que sufriu persecución política dentro e fóra do país (estivo exiliado desde 1982 ata 2002). Ademais, a partir de 1981 prioriza o gĩkũyũ; a súa lingua materna, fronte ao inglés como lingua de creación literaria. Actualmente Ngũgĩ é profesor de Inglés e de Literatura Comparada na Universidade de California, en Irvine. Ten dez títulos de doutoramento (un deles honoris causa) outorgados por universidades de todo o mundo, ademais doutros méritos académicos e honoríficos. Continúa escribindo e participando activamente nas esferas culturais e académicas do mundo como recoñecido conferenciante; toda a súa obra segue xerando debate e actividade intelectual, e foi traducida a máis de trinta linguas.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR