Un ano máis, e canto nos gusta, os alumnos e alumnas do Instituto Santiago Apostol de Santiago fixeron unha parada na sede da nosa editorial dentro da súa viaxe por Galicia. O paso por Galaxia é xa unha tradición deste alumnado nutrido fundamentalmente por alumnas e alumnos descendentes de galegos emigrantes que, hai varias xeracións, chegaron a América na procura, como tantas e tantas persoas no mundo hoxe en día, dun futuro mellor.
O estudantado foi recibido polo noso presidente Antón Vidal Andión, o director xeral, Víctor F. Freixanes, o director de produción, Xosé Soutullo, e o coordinador de novos proxectos, Francisco Castro.
Tiveron ocasión de coñecer as nosas instalacións e de escoitar a historia desta editorial dende as súas orixes difíciles, mais heroicas, nos anos 50 do século pasado. Eles tamén falaron das súas orixes familiares e foi unha delicia, e un orgullo, escoitar o galego nos seus sotaques porteños.
No noso blogue deixamos unha crónica fotográfica da xornada.
Menu
Menu
