Reunímonos na casa do escritor para visualizar a curtametraxe "Querido Tomás", unha versión cinematográfica realizada e guionizada por Uxía Blanco e Fina Casalderrey, que figuran tamén como actrices. Moi probablemente despois do verán poderemos botar a andar esta nova iniciativa. Vinte minutos intensos nos que se sintetiza o drama da mestra que ve marchar o seu primeiro amor ás Américas, na Galicia dos anos 50, coa guerra civil e o maquis como pano de fondo. Os nenos e nenas que participan no filme son da escola das Cerdeiriñas, en Vila Cruces. Unha nova empresa de creación arredor dun dos nosos clásicos vivos.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR