Como cada 5 de xuño celébrase o Día Mundial do Medio Ambiente. Os xornais ínzanse de especiais sobre o asunto e as voces máis autorizadas reflexionan arredor da situación do planeta e a necesidade de coidarmos da nosa casa común.

Coincidindo coa celebración, pode ser interesante achegármonos a unha das novidades que Editorial Galaxia vén de tirar do prelo e que, dalgunha maneira, baixo da fórmula da novela de intriga e misterio, tamén nos leva á reflexión sobre a natureza. Ese é un dos valores da nova novela de Antoni García Llorca, publicada na colección Costa Oeste, "A besta moura" en tradución de Helena González Fernández.

A novela toma os lobos, animal mítico tamén na nosa cultura, como referencia argumental. Os lobos e os licántropos. Mais, sobre todo, a xente capaz de entender as mensaxes caladas que a natureza nos envía decote.
Unha reflexión, xa que logo, sobre o que a natureza é e, en definitiva, sobre o que nós somos.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR