Tes cinco minutos #4

Dicía unha canción que a vida é eterna en cinco minutos. E eternos eran tamén os cinco minutos escasos que tiñan os alumnos e alumnas da Escola de Letras da Deputación de Pontevedra e Editorial Galaxia para desenvolver o seu traballo nas aulas desta iniciativa innovadora, baixo a atenta ollada de autores e autoras de recoñecido prestixio que impartiron as clases.

Agora, para poñerlle o ramo ao curso, ofrecemos unha mostra dos mellores textos nos xéneros máis variados que saíron desta Escola, liberados xa do inclemente tic-tac do reloxo.

Desta volta sodes vós, lectores e lectoras, quen xulgardes o traballo destas novas voces para o vello soño da literatura.