Nestes Poemas escollidos, Liz Lochhead presenta unha selección persoal de poemas publicados nas últimas catro décadas.
O amor e a memoria son a forza destas composicións, que van dende a linguaxe á paisaxe, dende o amor á historia, dende a paixón pola música e as artes plásticas ata o feminismo. Ás veces conmovedora, ás veces divertida, extravagante, sempre loitadora, franca e chea de entusiasmo, esta tradución é unha homenaxe a unha das poetas contemporáneas máis prezadas e celebradas do Reino Unido.
(Motherwell, Lanarkshire, Escocia, 1947) é poeta, dramaturga, tradutora e locutora. Foi nomeada Poeta Nacional de Escocia (Makar) en 2021. A súa obra, cunha ampla produción literaria en poesía e teatro, que iniciou en 1972 co poemario Memo for Spring, co que gañou o Scottish Arts Council Book Award, é abertamente política, onde se recoñece un discurso poético que procura a expresión das voces marxinadas de Escocia, e onde a súa principal preocupación é darlles voz ás mulleres no contexto doméstico, sexual e creativo dentro das súas propias comunidades, que desvalorizan os seus traballos e as súas vidas.