ALASKA
Tradución María Ramos Salgado
Houbo un momento en que á voz lírica destes poemas lle saíron gromos de flores pola boca; das coxas, glaciares. Mesmo tivo o estómago atravesado por siluros. Servíndose da familia léxica do frío e evidenciando a súa condición de mamífera, a autora de Alaska toma o nome dun antigo hotel da N-I para poetizar arredor da actuación do tempo sobre os espazos e sobre as relacións humanas. E, de paso, remendar o corazón.
(Atsasu, Navarra, 1976) é unha das autoras máis representativas da poesía éuscara. Tras licenciarse en Filoloxía Vasca, traballa como técnica lingüística. Alén de asinar unha ducia de poemarios, é autora de obras dirixidas á cativada. Logo de ser incluída na antoloxía colectiva A ponte das palabras. Poesía vasca 1990-2000 (2001), en 2021 chegaba ao galego con Permanencia (trad. Isaac Xubín). É membro da Euskaltzaindia, a Academia da Lingua Vasca.
