Pasaba por alí. E quedei un intre
Menu
Menu
Limiar de Antonio Campos Romay
Xoán Rubia, máis coñecido pola súa faceta musical, achéganos en O practicante rural as lembranzas da súa traxectoria profesional en que se enmarcou a súa vida fóra dos escenarios, “onde calquera parecido coa realidade non é pura coincidencia”. Un traballo, pouco valorado e menos recoñecido, dos profesionais que foron o primeiro elo da cadea da sanidade pública, hoxe en perigo.
Quere ser este libro unha modesta homenaxe aos compañeiros e compañeiras de profesión que nalgún intre se viron mergullados na soidade dalgunha vila ou aldea de Galicia coa encomenda de ofreceren un servizo público á cidadanía.
(Mugardos, 1947) comezou os estudos de música na súa vila natal, e en 1968 entrou en contacto co movemento da Nova Canción Galega, en Santiago de Compostela, representado daquela polo colectivo Voces Ceibes.
Gravou os seus primeiros traballos discográficos en 1969 coa compañía Edigsa, en Barcelona, logo con Philips e, máis tarde, con Zafiro-Novola.
Entre os seus discos destacan Cantares da miña terra (1973), Lembranzas (1977) e Nadal (1980), así como a recompilación A gran escolma da música galega (1993), entre outros.
Colaborou en prensa con artigos de opinión en medios como Diario de Ferrol e Galicia Digital e publicou os libros Pasaba por alí. E quedei un intre (Galaxia, 2021) e Cartas a Michi (2023).
Foto do autor: © Ovidio Aldegunden
