17,95€

mercar

Mr Gwyn

Alessandro Baricco

PREMIO FERVENZAS LITERARIAS AO MELLOR LIBRO TRADUCIDO DO ANO 2012

Despois de publicar Emaús na súa tradución para o galego, Editorial Galaxia continúa a tirar do prelo as obras do escritor italiano con Mr Gwyn.

Detrás de Baricco están os personaxes que crea, agora o nada convencional Mr Gwyn. Ademais deste personaxe, na novela hai un mangado de historias inesquecibles e unha reflexión fonda sobre a vida e sobre como vivila.

Jasper Gwyn é escritor, reside en Londres e non hai dúbida ningunha de que se trata dun home que ama a vida. Así e todo, está a piques de deixar de escribir; mais a súa non é a crise que afecta os escritores sen inspiración. Quere cambiar de perspectiva, chegar á cerna das cousas. A súa cómplice é unha rapaza que, con devoción apaixonada, rexistra o que pouco a pouco se acaba por converter no misterio de Mr Gwyn. Alessandro Baricco penetra con paso seguro na simetría secreta desta historia, unha fábula contemporánea sobre a ineludible necesidade de vivir sen prescindir do asombro. Unha novela que, coma un haiku, nos sitúa perante o inenarrable.

Recensións


Detalles

  • Páxinas : 188
  • Deseño : Rústica con lapelas
  • Dimensións : 135 x 210 mm
  • Data Publicación : 2012-11-15
  • Colección : Biblioteca Compostela de Narrativa Europea
  • Editorial : Galaxia
  • ISBN : 978-84-9865-468-4
  • Edición : 1

Noticias relacionadas


Obras do autor en catálogo

Emaús14,90€

Actividades relacionadas


Novidades

A herdadeCésar Souto Vilanova
EternityXosé Monteagudo
Pazo de invernoAlberto Lema

Baricco, Alessandro
Alessandro Baricco (Turín, 1958) é autor de seis novelas, coas que obtivo numerosos premios literarios, entre eles o Premio Médicis Étranger en France e os Campiello, Viareggio e Palazzo del Bosco en Italia. Sobre a súa novela Seda, publicada en galego por Rinoceronte, realizouse en 2007 unha película dirixida por François Girard e protagonizada por Michael Pitt e Keira Knightley.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR