Lendas galegas de tradición oral

Xosé Manuel González Reboredo

A literatura oral, a enorme e riquísima tradición popular galega, recóllese nesta antoloxía das Lendas galegas de tradición oral. Unha recompilación ampla e representativa na que cada unha das manifestacións da imaxinación, desde as historias dos mouros ás cidades asolagadas, pasando polas lendas de tesouros, lobos e lobishomes, chega aos lectores e lectoras con toda a súa fantasía. As vellas historias de sempre, contadas co mesmo pulo narrativo que fascina xeración tras xeración.

Estas historias son tomadas do pobo, referidas a mouros, encantamentos, tesouros e cidades asolagadas. A súa riqueza é ben representativa do mundo rural tradicional. Estas lendas non piden do lector un enfoque meramente literario, senón que deben ser apreciadas como a expresión simbólica dunha cosmovisión fraguada ó longo dos séculos.

Xosé Manuel González Reboredo (Lugo, 1946) desenvolve a súa actividade investigadora nos eidos da etnografía e a antropoloxía cultural. Discípulo de Fermín Bouza Brey, está vencellado ao Museo do Pobo Galego e á sección de Antropoloxía Cultural do Consello da Cultura Galega. Foi o coordenador da obra Galicia Antropoloxía (1997) e autor da Guía de festas populares de Galicia e da biografía Vida e obra de Xaquín Lorenzo (2004).

Recensións


Detalles

  • Páxinas : 208
  • Deseño : Rústica con lapelas
  • Dimensións : 135 x 210
  • Data Publicación : 2014-05-08
  • Colección : Antoloxías
  • Editorial : Galaxia
  • ISBN : 978-84-8288-917-7
  • Edición : 3

Noticias relacionadas



Actividades relacionadas


Novidades

grial-228Grial 228 VV.AA.
9788491515791Diario 1921Castelao

gonzález reboredo

González Reboredo, Xosé Manuel
Naceu en Lugo en 1946. Desenvolve a súa actividade investigadora nos eidos da etnografía e antropoloxía cultural. Discípulo de Fermín Bouza-Brey, está vencellado ao Museo do Pobo Galego e á sección de Antropoloxía Cultural do Consello da Cultura Galega. Foi o coordenador da obra Galicia Antropoloxía (1997) e autor da Guía das festas populares de Galicia. Polo recoñecemento que obtivo dos lectores, tamén cómpre salientar entre as súas numerosas publicacións a edición das Lendas galegas de tradición oral (1995), da que en 2006 Galaxia presentou a oitava edición. En 2004 presentou un libro co título Vida e obra de Xaquín Lorenzo, coincidindo coa dedicatoria do Día das Letras Galegas ao etnógrafo ourensán.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR