Estás aquí:

Código: 1039

Galicia-México. Imaxe máxica

Bilbatúa, Demetrio

32,50 € IVE INCLUIDO

O percorrido vital de Demetrio Bilbatúa está vencellado ás dúas beiras do Atlántico, a Galicia e a México. De familia represaliada durante a Guerra Civil, o director e produtor cinematográfico desenvolveu a súa actividade profesional en México. Trazos autobiográficos, referencias de época e testemuños de familiares e amigos completan Galicia-México. Imaxe máxica, libro que recupera para a cultura galega a figura dun home que é testemuña de toda unha época.

A historia de Demetrio Bilbatúa forma parte da historia dos galegos da diáspora. Este é un libro no que se recollen os froitos e os testemuños de todo un traxecto vital e profesional que levou ao seu protagonista desde o Vigo da posguerra ao México do progreso e do cinema.

Un relato tramado no diálogo de dúas voces paralelas: unha centrada na biografía de Demetrio Bilbatúa, nas súas reflexións, nos avatares da súa familia durante a Guerra Civil española, no seu encontro con México e, fundamentalmente, no desenvolvemento da súa carreira como camarógrafo e documentalista.; e, a outra, construída a partir dun xogo de imaxes, referencias de época, relatos e testemuños de familiares e amigos.

Comparte nas túas redes sociais ou por email

Detalles do libro

Páxinas: 232

Deseño: Rústica con lapelas

Data Publicación: 04/04/2006

Dimensións 21 x 24 cm. mm.

Colección: Libros singulares e fora de colección

Nº na colección:

Edición: 1ª

Editorial: Galaxia

ISBN: 978-84-8288-883-5

Observacións:

Novas relacionadas con este libro

Demetrio Bilbatúa visita Galaxia

AUTORES/AS

Bilbatúa, Demetrio

Demetrio Bilbatúa Rodríguez (Vigo, 1935) é produtor e director de cine documentalista, naturalizado mexicano en 1970. Inicia a actividade cinematográfica en México a carón do seu irmán Ángel. Produciu e dirixiu máis de 1.000 documentais sobre aspectos sociais e culturais de México.

Actualmente preside un grupo de empresas de produción, laboratorios fotográficos, posprodución e dobraxes.