Debuxar o mundo. Xograr, crear, compartir

Vicente Blanco e Salvador Cidrás

PREMIO MARTA MATA DE PEDAGOXÍA 2020

Esta obra xorde da experiencia dos autores como artistas e profesores nunha facultade de formación de profesorado. Partindo do debuxo como un medio espontáneo, ubicuo, democrático e inherente ao ser humano, examinan a práctica artística e educativa do debuxo. O libro recolle as propostas de debuxo froito da súa investigación artística levadas a cabo con nenos e nenas de infantil e primaria en colaboración con escolas, familias e colectivos interesados en metodoloxías activas. Agrúpanse en catro apartados: volver debuxar (pensadas para que as persoas adultas que traballan coa infancia recuperen o debuxo), contar debuxando (experiencias onde conviven palabras e imaxes), xogar debuxando (o debuxo a través do xogo) e concienciar debuxando (debuxo activista). Todas elas comparten como de características o incidir na idea de proceso (descubrir formas de facer abertas que non buscan un único resultado); experimentar con diferentes materiais, técnicas e linguaxes artísticas; favorecer a creación dun imaxinario e estilo persoal apartándose de respostas estereotipadas; e educar o sentido estético.

Recensións


Detalles

  • Páxinas : 172
  • Deseño : Rústica con lapelas
  • Dimensións : 170 x 240
  • Data Publicación : 03/12/2021
  • Colección : Biblioteca de Intervención social /didáctica
  • Editorial : Galaxia
  • ISBN : 978-84-9151-767-2
  • Edición :
  • Nº na colección : 11
  • Observacións :

Noticias relacionadas


Obras do autor en catálogo


Actividades relacionadas


Novidades

A retranca. Un intento de clarificaciónFélix Caballero Wangüemert
Dos meus recordosManuel García Barros
EnredosManuel García Barros

Autor/a

,
Artistas plásticos e profesores da área de Expresión Plástica na Facultade de Formación de Profesorado de Lugo (USC). Licenciados en Belas Artes pola Uvigo, doutores en Belas Artes (UGR) e Humanidades (USC), respectivamente, e graduados en Cerámica pola EASD Ramón Falcón de Lugo, desenvolven a súa investigación artística en medios como o vídeo, o debuxo, a escultura e a instalación. A súa obra expúxose individualmente en importantes museos de arte contemporánea: Raíña Sofía (Madrid), CGAC (Compostela), MUSAC (León); tamén en numerosas exposicións colectivas. Son promotores do grupo de innovación educativa Escola Imaxinada, un colectivo que pretende achegar ás escolas metodoloxías baseadas nas artes e contribuír ao deseño de espazos e recursos educativos de calidade nas aulas. As súas propostas recóllense no blogue escolaimaxinada.com. Publicaron: Educar a través dá arte. Cara a unha escola imaxinada Premio Educacompostela 2017, e Debuxar o mundo, Premio Marta Mata de Pedagoxía 2020.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR