Territorios da memoria. Xeografías soñadas. Paraísos non sempre accesibles. ¿Infernos? A cidade como referencia. Unha escolma de escritores galegos, eúscaros e cataláns (Galeusca) reflexionan, poetizan ou recrean o universo urbano, cadaquén o seu, dende cadansúa ollada, emoción, experiencia ou sensibilidade.
Estos textos nacen do Galeusca 2004. Dende xuño de 1984 a Asociación de Escritores en Lingua Galega, a Euskal Idazleen Elkartes e a Associació d'Escriptors en Llengua Catalana iniciaron estes encontros períodicos entre as tres literaturas, espazos para o coñecemento e a información mutua, para a creación e a reflexión compartida, para afondar nas cousas que nos unen, non nas que nos separan. Máis de vinte anos afortalando solidariedade a través da palabra e do respecto pola diversidade, que é unha riqueza, nunca un problema.
Fran Alonso, Miguel-Anxo Murado, Xavier Queipo, Marga do Val, Jon Abril, Julen Gabiria, Joan Agut, Miquel Desclot, Isidre Grau... Doce miradas diferentes. Doce construccións posibles.
