AVALIACIÓN DA LINGUAXE. Inventario do Desenvolvemento das Habilidades Comunicativas MacArthur-Bates en galego
Manual técnico e guía de uso
A avaliación temperá do desenvolvemento da linguaxe e a comunicación é esencial para identificar nenos e nenas que poidan presentar dificultades ou atraso, co fin de procurarlles a atención axeitada e optimizar o seu desenvolvemento. O Inventario do Desenvolvemento das Habilidades Comunicativas (IDHC) é a primeira proba de avaliación adaptada ao noso contexto cultural e lingüístico. Está dirixido a nenos e nenas de entre 8 e 30 meses de idade, e cóbreno nais, pais e persoas moi achegadas, o que fai del un instrumento moi versátil. As normas evolutivas e os baremos obtivéronse cunha mostra de 1.733 nenos e nenas de toda Galicia. No libro fornécese un marco teórico e os baremos para interpretar os resultados e unha guía de uso do IDHC, que pode ser dunha grande utilidade en escolas infantís e garderías, servizos de pediatría, en investigación e para familias.
(Pontevedra, 1952) é catedrático emérito de Psicoloxía Evolutiva da USC. O seu ámbito de especialización é a adquisición e desenvolvemento da linguaxe tanto en nenos normo-típicos como con cegueira e prematuros.
Autor de múltiples libros e capítulos de libros e artigos en revistas de impacto, entre os seus traballos destacan Language development and social interaction in blind children (2020), Nuevas perspectivas en Psicología del Desarrollo. Un enfoque histórico-crítico (1995) e El desarrollo psicológico de niños ciegos en la primera infancia (1994).