Asociacionismo galego en América
Carlos Loureiro Rodríguez achéganos, tras un inxente traballo de documentación (completado con material accesible a través da web de Editorial Galaxia), a historia da sociedade Hijos del Ayuntamiento de La Estrada en Cuba, fundada na Habana en 1915, que hoxe segue puxante e cun pé en cada beira do Atlántico.
A importancia da emigración estradense no asociacionismo da illa caribeña queda reflectida non só nesta sociedade, senón tamén na creación do Centro Galega e noutras entidades, como Hijas de Galicia, que deron amparo e cobertura aos que tiveron que emigrar, tanto en Cuba como na terra de partida.
(Callobre, A Estrada, 1957) é licenciado en Filoloxía Románica. Foi profesor de Lingua Galega e editor das obras narrativas de Manuel García Barros Aventuras de Alberte Quiñoi, Contiños da Terra, Enredos, e Dos meus recordos; os traballos xornalísticos A pluma insubmisa. Ensaios inéditos e Estampas desde o val. Artigos xornalísticos. 1901-1963, e da súa obra poética en Sonoridade das auras. Poesía reunida. En 2021 publicou a biografía, Manuel García Barros. Vida, obra e pensamento, todos eles publicados en Editorial Galaxia.
Tamén editou obras de Varela Buxán e Antón Losada Diéguez, publicou o Dicionario de escritores de Tabeirós-Terra de Montes e coordinou obras de poesía e narrativa, ademais de formar parte do xurado de prestixiosos premios literarios.
É socio de honor da sociedade Hijos del Ayuntamiento de La Estrada en Cuba e do Centro Unión Orensana da Habana.
