Na procura do medo esquecido. Catálogo de criaturas fantásticas e mitolóxicas, é o primeiro título do porriñense juáncho, que publicamos na Editorial Galaxia. Un libro singular que está deseñado en formato álbum ilustrado, dirixido a todos os públicos.

Trátase dunha aposta por compartir o patrimonio inmaterial de Galicia, as nosas criaturas máis escalofriantes como son o sacauntos, o lobishome ou a coca. A nosa é unha cultura rica en supersticións que hoxe é posible materializar neste fermosísimo libro. Atopámonos ante un traballo excepcional que deambula pola mitoloxía galega, polas lendas e a cultura popular.

Lendo este libro, as lectoras e lectores poderán realizar unha viaxe ao mundo fantástico e de medo da Galicia máis profunda. A través dunha linguaxe que mestura a estética das redes, entre Instagram e Twitter, juáncho amosa e reivindica o valor do propio. A muller, forte e independente, xoga tamén un papel fundamental neste traballo.

Achegádevos a esta proposta visual e única para coñecer máis de preto un mundo fantástico, totalmente afastado de convencionalismos, da Galicia máis profunda. Un libro imprescindible.

 

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR