A autora Iria Collazo López presentará a súa novela COMA UNHA ÁNCORA acompañada por Pedro Cortegoso de Queremos Galego Marín e do editor e escritor Francisco Castro.
A novela de debut de Iria Collazo López está a ter unha magnífica acollida en todo o país. De feito foi o libro máis vendido na categoría xuvenil durante o mes de Setembro nas librerías de toda Galicia.
Deste libro, o crítico Ramón Nicolás sinalou que é "unha novela sólida onde a presenza omnímoda do mar rexe, coas súas propias leis, as vidas dos protagonistas: os que están e os que xa non están. Tamén é o mar quen goberna o tempo e o espazo dun xeito diferente a como o entendemos para que á súa sombra se diten sucedidos, lendarios ou non, alentando á mantenta entre a realidade, a historia e a ficción. Un monllo de personaxes a vivir historias de amor e de resistencias que precisan, sempre, unha áncora que as amarre á esperanza".

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR