Mañá presentaremos en Compostela a nova edición do libro de relatos de Manuel Rivas, 'Ela, maldita alma', publicado xusto despois, no seu día, de 'Que me queres, amor?', colectánea de relatos que supuxo a súa consagración definitiva como narrador. Participarán Víctor F. Freixanes, director xeral de Galaxia, e o autor, quen lerá algún destes relatos co acompañamento musical do acordeonista Rómulo Sanjurjo.
Nesta ocasión, 'Ela, maldita alma' volve a saír do prelo con dous relatos inéditos, "O espertar da criada" e "O misterio da luz".
Para os amantes do Rivas de sempre esta será unha máis que boa oportunidade de se reencontrar cunha das voces literarias máis singulares do noso país.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR