A súa última novela, "Esperando ao leiteiro" está a ser un dos libros máis solicitados, auténtico acontecemento das nosas letras, na liña xa coñecida dun dos nosos autores máis celebrados. Un monólogo sen pausas no que narra a vida dun mozo campesiño mentres agarda para iniciar a viaxe que, a mediados do século XX, o ha levar da súa aldea a Buenos Aires.

Centrada arredor do ano 50, a novela recrea un mundo que en certa maneira está a desaparecer, pero que é o mundo do autor, que emigrou a Buenos Aires no ano 49, coa súa linguaxe rica e vizosa, as estampas dunha época, as emocións dunhas xentes que constitúen un capítulo fundamental da nosa historia colectiva.

Antía Cal, a quen a Fundación Otero Pedrayo concedeu este ano o Premio Trasalba, acompañou a Neira Vilas, amigo seu dende hai moitos anos, no pregón da feira e na sinatura de exemplares. En Galaxia, Antía Cal publicou as súas memorias, "Ese camiño que fixemos xuntos" (colección Memoria), outro acontecemento editorial que rexurde.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR