Laura no deserto chega á súa 6ª edición

Estes días está chegando ás librerías de todo o país unha nova edición da novela de Antón Riveiro Coello, 'Laura no deserto', que coñece, así, a súa sexta impresión. O libro, que conquistou o Premio da Crítica Española en 2011, segue a turrar do interese de novos lectores e lectoras que acuden ás librerías a mercar un libro que nos fala cunha voz intensa sobre a identidade, a culpa, o amor ou a liberdade.